11-04-2003, 21:33
Man cenuva fána cirya<br>métima 'hrestallo círa<br>i fairi néce<br>ringa súmaryesse<br>ve maivi yaimie ?<p>Man tiruva fána cirya,<br>wilwarin wilwa,<br>earcelumessen<br>rámainen elvie,<br>ear falasta,<br>winga 'hlápula,<br>rámar sisíla,<br>cále fifírula ?<p>Man 'hlaruva rávea súre<br>ve tauri lillassie,<br>ninqui carcar yarra<br>isilme ilcalasse,<br>isilme pícalasse,<br>isilme lantalasse <br>ve loicolícuma;<br>raumo nurrua,<br>undume rúma ?<p>Man cenuva lumbor achosta<br>Menel acúna<br>rucsal' ambonnar,<br>ear amortala<br>undume hácala<br>enwina lúme<br>elenillor pella <br>taltataltala<br>atalantie mindonnar.<p>Man tiruva rácina cirya<br>ondolisse morne<br>nu fanyare rúcina,<br>anar púrea tichta<br>acsor ilcalannar<br>métim' auresse ?<p>Man cenuva métim' andúne ?<br>